UNANUEK ARRATSALDEAN AGUR ESANGO DIO PILOTARI TOLOSAKO BEOTIBARREN

2013-02-26

Mikel Unanuek arratsaldean pilotan azken partidua jokatuko du Tolosako Beotibar pilotalekuan izango den jaialdian. Añorgako ezkertiak pilotan 20 urteko ibilbide luzeari amaiera jarriko dio 39 urte dituela 1987ko abuztuaren 1ean Zarauzko Zinema pilotalekuan hasi zenari hain zuzen ere.
Asegarceko aurrelariak titulu mordoska dauka bere eskuetan: 1999ko lau eta erdiko txapelduna, 1998ko binakako txapelduna, 1995ko lau eta erdiko txapeldunordea eta 1991, 1995 eta 2000ko binakako txapeldunordea, besteak beste.