Aste Nagusia 2024 Torneoa aurkeztu da Bilbon

2024/07/23

• 2024ko Aste Nagusia Torneoa abuztuaren 22an hasiko da, eta finala hilaren 25ean jokatuko da Bizkaia Frontoian, bi finalerdien ostean

• Laso-Imaz, Urrutikoetxea-Mariezkurrena II, Altuna III-Martija, Elordi-Zabaleta bikoteek hartuko dute parte torneoan

• Abuztuaren 20an Bizkaia Torneoko finala jokatuko dute Oiz eta Sollube taldeek

Abuztuaren 22an, lehen finalerdia jokatuko dute Altuna III-Martija eta Elordi-Zabaleta bikoteek, eta hurrengo egunean, abuztuaren 23an, bigarren finalerdia jokatuko dute Urrutikoetxea-Mariezkurrena II eta Laso-Imaz bikoteek.

Bi kanporaketetako irabazleak abuztuaren 25eko finalean gurutzatuko dira, Bilboko Bizkaia Frontoian.

Abuztuaren 20an, Bizkaia Torneoko finala

Abuztuaren 20an Bizkaia Torneoko finala jokatuko dute Oiz eta Sollube taldeek. Ezkurdiak 4 ½an, Altuna III-Rezustak binaka, eta Egiguren V.ak buruz buru Oiz ordezkatuko dute. Eta Solluberen aldetik, Peña II.ak jokatuko du 4 ½an , Laso-Mariezkurrena II.ak binaka, eta Bakaikoak buruz buru.

Sarrerak
Aste Nagusia Torneoko jaialdietarako sarrerak entradasfronton web orrian eskuratu daitezke.