TXAPELKETA GORI DAGO

2019-03-22

Olaizola II.ak eta Beginok tanto bakar batez ez dute garaipena lortu gaur -eta bide batez garaiezin dohaina galdu- Logroñoko Adarraga pilotalekuan Titin III.ak eta Pascualek Euskadi Goza ezazu Binakako Txapelketako ligan jokaturiko partidan 22-21 mederatu ostean.
Horrela 3na punturekin 4 bikoteek osatutako pelotoia sortu da, hau da, Berasaluze VIII.a-Apraiz, Titin III.a-Pascual, Mtz.de Irujo-Merino II.a eta Gonzalez Laskurain.

Gaurko partiduan bi zati egon dira: lehenbizikoan Beginok izugarrizko pilokadak eman ditu, eta Pascual ahal izan duen moduan defendatu du bere burua. Bestalde, Titin III.ak ez zuen pilota behar bezala gurutzatzen Olaizola II.ari inolako minik ez eginez.

Ondoren, eta Pascualen lan bikainaren ondorioz, Titin II.aren jokoak gora egin du eta Olaizola II.a behartzen hasi da gantxo itzelak botaz.
Azkenean, 20-17 gorrien alde zela, urdinek 20-21era heltzea lortu dute baina Beginok egin dituen bi hutsegatik -defendatzeko boleaz goiko txapa jo izana eta arazo gabeko pilota bat erori zaiolako- garaipena eman dio Aspeko bikoteari.