PEÑAGARIKANO BURUZ BURUKOAN HAZI DA LASA III.ARI IRABAZITA

2019-03-22

Kepa Peñagarikanok garrantzi handiko garaipena lortu du gaur Bergarako pilotalekuan EPELen Eskuz Banakako hamaseirenetako kanporaketan Lasa III.ari 7 eta 22 irabazi eta gero. Emaitz honen bitartez final zortzerenetan izango da, bertan Xalarekin topo egingo duela.
Asegarceko atzelari indartsuak goitik behera menperatu du norgehiagoka eta aurkariaren gorantz egiteko ia aukera guztiak zapuztu ditu bere joku borobilaz. Kepak eskuinkada ederrak eman ditu, nahiz eta hasieratik esku hori minduta euki, pilota ondo gurutzatu du ezker hormara aurkariaren defentsarako bolea ekiditzeko eta oso dejada onak bota ditu. Gainera menpean egon denean bolea eta sotamano nahikoak erakutsi ditu azpeitiarrak.

Oskar Lasak ez du une batetan ere amore eman eta defentsan ondo aritu da boleaz, baina ezer gutxi egin ahal izan du arerioaren nagusitasunaren aurrean.
Garaipen honekin Asegarceko pilotariek pasada ederra eman diete Aspeko ordezkariei jokatutako sei kanporaketetik seiak irabazi dituzte eta.