GOGORRA ETA EMOZIOZ BLAI

2019/03/22

Partidua hasi aurretik luzaturiko iragarpenak deuseztatuz, neurketa gogorra eta emozioz gainezka suertatu da gaur Zallako Mimetiz pilotalekuan Berasaluze VIII.a-Apraizek eta Olaizola II.a-Beginok jokatu dutena. Urdinek lortu dute garaipena 19-22 emaitzaz eta bere seigarren puntua eskuratu dute Euskadi Goza ezazu Binakakako Txapelketako ligan.

Borroka latza izan da atzean Begino eta Apraizen artean. Begino oso seguru aritu da eta Alexisek bidalitako zartako ederrak bueltatu ditu errebotetik. Aurrekaldean lehia polita izan da; Pablok arriskatu behar izan du Aimarren defentsa gainditzeko eta 10 tanto lortu ditu eta honek 7 tantu gauzatu arren ofizio gehiago erakutsi du.

BENGOETXEA VI.A GUPIDARIK GABE

Bengoetxea VI.ak eta Patxi Ruizek beren 3. puntoa lortu dute gaur Idiazabalgo Igarondo pilotalekuan Olaizola I.a eta Beloki 9-22 irabazi ostean.
Partiduaren giltza aurekaldean izan da, izan ere, Bengoetxea VIak txokoan min handia egin dio Olaizola I.ari. Esan behar da gorriek partiduaren zama Patxi Ruizi egotzi diotela baina honek bikain defendatu bere burua.