FINALISTA BERRIAK GAZTELA ETA LEONGO TORNEOAN

2019/03/22

Iscarreko pilotalekua Gaztela eta Leongo III. Torneoko finalaren eskenatokia izango da gaur arratsaldeko 16:30 etatik aurrera.

Bertako protagonistak Koka-Patxi Ruiz eta Esain Beloki bikoteak ditugu, torneo honateko finaletan sekulan egon ez diren pilotariak hain zuzen ere.

Datu honek ikusmin handiagoa ematen dio norgehiagokari bertan izango diren zaleentzat baita telebistaren bidez ikusiko dutenentzat ere.

Torneoko historialeari so egiten badiogu Tirapu-Zearra bikotea da lehenengo irabazlea 22-21 Unanue-Pascual mende hartuta.
2003 urtean Titin III.a eta Rai izan ziren garaile Olaizola I.a eta Peñagarikano markadore beraz irabazi eta titulua eskuratu zutela.

Gaurko partida orekatuta antzematen da, Koka eta Patxi Ruizen ibilbidea bikaina baita: 22-11 Berasaluze VIII.a-Zearrari eta 22-12 Olazola I.a eta Peñagarikanori irabazi diete eta.

Bestalde, Esain eta Beloki gogor eutsiko diote partiduari batez ere Rubenek azken boladan erakusten ari den indarra eta agintea kontutan hartzen badugu.
Historiaren amaiera gaurko 16:30etatik aurrera jakingo dugu Iscarren.