Etorkizuneko Txapeldunak torneoaren hirugarren edizioak kadete eta promesa mailako pilotari onenak batu nahi ditu Ataunen

2023/05/11

Ataun Kirol Elkarteak III. Etorkizuneko Txapeldunak torneoa jarriko du abian maiatzaren 16an Baiko Pilotaren laguntzarekin.

– Kadete eta promesa mailako 16 aurrelarik eta 16 atzelarik hartuko dute parte
– Final-hamaseirenetan hasiko den kanporaketa sistema izango du
– Guztira 8 jaialdi izango dira, finalerdiak eta finala barne
– Maiatzaren 16an jarriko da martxan eta uztailaren 8an izango da finala
– Partidak Ataungo Auzoeta pilotalekuan jokatuko dira astearteetan

Parte-hartze sistema Ataungo Kirol Elkarteak banatu dituen gonbidapenen bidez egin da.

Sariei dagokienez, promesa mailan, irabazleek 600 euro jasoko dituzte eta txapeldunordeek 400 euro. Eta kadete mailan, 500 euro eskuratuko dituzte txapeldunek eta 300 euro txapeldunordeek.