CaixaBank Masterseko 7. eta 8. jardunaldiek bat egingo dute asteburu honetan

2020-08-07

Lehenengo itzuliaren amaierak eta bigarrenaren hasierak bat egingo dute ostirala eta igandea bitartean.

Bihar, Zestoako Gurutzeaga pilotalekuak emango dio hasiera zazpigarren jardunaldiari. Sailkapenaren buruan dauden Bengoetxea VI-Martijak, goi alde horretan sartu nahi duten Altuna III-Imazen aurka jokatuko dute. Honekin batera, beste bi partida erakargarri egokitu dituzte biharko Zizurkilen eta Getarian. Intxaur pilotalekuan Jaka-Albisu eta Artola-Rezusta arituko dira nor baino nor eta Sahatsagako hormek Olaizola II-Zabaletaren eta Ezkurdia-Arangurenen pilotakadak hartuko dituzte.

Gipuzkoatik, Bizkaiara salto egingo du larunbatean pilotak. Dimako frontoian zazpigarren jardunaldia itxiko da Urrutikoetxea-Irribarria eta Elezkano II-Mariezkurrena II partidarekin. Bi bikoteak garaipen gosez kantxaratuko dira euren lehenengo puntua eskuratu nahian.

Eta egun bateko atsedenarekin, igandean, Ezkurdia-Aranguren eta Altuna III-Imaz berriz ere eskuetan takoak jarrita aterako dira frontoira zortzigarren jardunaldiari hasiera emateko. Oiartzunen dute hitzordua jarrita arratsaldeko 17.00tan. Egoera berdinean izango dira Olaizola II-Zabaleta eta Bengoetxea VI-Martija Irurtzunen. Ordu berean, Biaizpe pilotalekuan, jokatuko dute.