BIGARREN MAILAKO ASEGARCEKO TXAPELA RAIRENTZAT

2012-01-31

Bergarako frontoira hurbildu ziren Leitzako eta Burgosko Quintanar de la Sierrako pilotazaleek txapela Burgosera zihoala ikusi zuten. Raimundo Blancok, Rai, bigarren mailako txapela lortzen zuen Abel Barriolari merezimendu osoz 8-22 irabazi ondoren.

Ikusgarri jokatu zuen Raik ez zion inolako aukerarik eman Barriolari eta goitik behera dominatu zuen piloteoan. Leitzako atzelaria nahi eta ezinean ibili zen. Ez zen markagailuan behin bakarrik ere aurreratu, eta nahiz eta hainbat unetan hurbiltzeko aukera eduki, gauzatzeko ez zen gai izan.

Bigarren mailako finala 45 minutu iraun zuen eta 214 pilotakada eman ziren.