BI TXAPELDUN AURREZ AURRE

2019-03-22

Gaur gauean Iruñako Labrit pilotalekua Beloki eta Patxi Ruizen arteko Banakako Txapelketaren final laurdenetako lehiaketaren lekukoa izango da.
Orain arte bi pilotariak bi aldiz egon dira aurrez aurre Buruz Buruko Txapelketa batean. Lehenengoa, 2003ko apirilaren 11an Logroñon izan zen, finalaerdietako ligaxkako partida batean. Hartan Belokik 22 eta 12 irabazi zuen baina egun batzuk beranduago Patxi Ruizek bere Buruz Buruko lehenengo Txapela jazten zuen Olaizola II.a 22 eta 7 menderatuz.
Elkarren aurka egin zuten bigarren aldia joan den urtean izan zen, Iruñan apirilaren 16an final-zortzirenetako jokatutako partida batean, orduan Patxi Ruizek Beloki txapelketatik at utzi zuen 15 eta 22 irabazi ondoren.

Belokiren estrategia

Gau honetako partidarako, 4 aldiz banakako txapelduna izan zen Belokik, argi dauka estrategia: “sakeari etekina ateratzen ahaleginduko naiz eta Patxi frontisetik ahalik eta urrunen mantentzea beharrezkoa izango da berak baitu pilotari guztien kolperik arinena.”
Orain arte jokatutako partiden emaitzak eta izango diren partidak web honetako “Txapelketak” atalean ikus daitezke.