BELOKIK ASTEARTEAN ERABAKIKO DU ATZERATZEA ESKATUKO DUENENTZ

2019-03-22

Ruben Belokik aproba bat egin du eguerdian Atano III.a pilotalekuan Eskuz Banakako Olaizolaren kontrako partiduan eskuin eskuan jaso zuen bihurduraren egoera ezagutzeko.

Oraindik min sentitzen duela aipatu du Burlatako pilotariak eta asteartean egoera erabat ona ez bada atzeratzea eskatuko duela esan du.

Bestalde, Olaizolak eta Mendizabal II.ak binakako Ipar Kutxa lehen tornearen finalerako pasea lortu dute Titin III.a eta Pascual 15-22 irabazita Villamediana de Ireguan izandako neurketan.

Mendizabal II.a izan da onena pilota ederki astintzeaz gain norabidea ere eman dio.
Olaizolak serio jokatu du eta hormara botatako txapagainekoak eta gurutzatutako pilotek Titin III.a deuszeztatu dute.