Altuna III-Imazek zortzigarren puntua lortu dute Lekeition (22-20)

2020/09/21

Olaizola II-Zabaletak atzo Lezaman irabazita, Altuna III.ak eta Imazek beste hainbeste egin beharra zuten gaur Lekeition. Irabazten hasi diren arren (3-1), kosta egin zaie berriro aurretik jartzea (18-17). Ordura arte, Peña II-Rezusta izan dira jaun eta jabe, eta bost tantoko aldea izatera iritsi dira partida oso aurreratua zegoenean (12-17). Baina gorrien oldarraldiak, zortzi tanto jarraian eginda, Altuna III-Imaz partidan sartu ditu eta azkenean irabaztea lortu dute (22-20).

Emaitza: Altuna III-Imaz 22-20 Peña II-Rezusta
Partidaren iraupena: Ordu 1 eta 17 minutu
Pilotakadak: 687
Berdinketak: 1-1, 3-3, 17-17
Gorriek (Altuna III-Imaz): 12 tanto egin dituzte eta 9 galdu
Urdinek (Peña II-Rezusta): 11 tanto egin dituzte eta 10 galdu
Lehenengo partida: Agirre-Ibai Zabala 22-16 Elordi-Garmendia