ASIER OLAIZOLA “AIMAR PILOTARI KONPLETOENA DA”

2019/03/22

Olaizola II.a-Zearra eta Olaizola-Otxandorena Labrit pilotalekuan bildu dira gaur eguerdian larunbatean izango den finalaurreko partidarako pilotak aukeratzen. Bikote biak ados geratu dira materialarekin eta batak zein besteak hitz onak esan dituzte aurkariaren materialaz.
Bere anaiaren kontra jokatzeaz zera dio Asierrek ” askotan jokatu dugu elkarren kontra eta oso ondo ezagutzen dugu elkar. Anaiari buruz hitz bat esan daiteke, pilotari konpletoena dela eta bikotea behetik gora joan da txapelketan”. Materialari buruz Olaizolak ez du nolako pega ipini “gure pilotak beraineak baino gehiago irtetzen dira frontisetik eta ibili, ibiltzen dira kantxan. Beraienak motelagoak dira baina politak dira”.
Otxandorenak “partidu gogortzen saiatuko gara orain arte egin dugun bezala”.
Urdinen pisuak 104,8-103,8-103,6 gramotakoak izan dira.

Gorriak ere konforme geratu dira pilotekin eta urdinen joku handia goraipatu dute “joku handiarekin dabiltza biak eta partida zaila eta gogorra izango da. Anaiaren jokuak partida luzaraziko du. Une onean daude” esan du Olaizola II.ak.
Gorriek aukeratu dituzten piloten pisuak honako hauek dira 104,4-104,5-105,4 gramo.

Labriten 350 pertsona inguru bildu dira eta komunikabide bertaratu dira, besteak beste, bost telebista.