BERASALUZE VIII.AK FINAL LAURDENETARAKO SAILKATZEA LORTU DU PARTIDU GORA BEHERATSU BATETAN

2019/03/22

Pablo Berasaluzek EPELen Lau t´Erdiko Txapelketako final laurdenetarako pasea lortu du Eibarko Astelenan Arretxe II.a 22-17 emaitzaz gainditu eta gero.

Partidua irregular samarra suertatu da erremate onak eta hutsak -Luzaideko pilotariak sake hiru falta egin ditu- tartean izan direla.
Neurketa gehien bat airez eta arin jokatu da eta horren ondorioz opariak izan dira. Berasaluze VIII.ak erritmo biziaz jardun du eta sake-erremate jokaldiaz etekin handia eskuratu du.
Luzaideko aurrelariak ez du bere jokoa ateratzen asmatu ezta partidua hautsi ere. Gainera markadorean aurkariaren parean heltzear zegoela opari batzuk egin ditu.

Berasaluze VIII.ak Titin III.arekin indarrak neurtuko ditu larunbatean Zornotzan.

FINAL LAURDENETAKO JOKATZEKO TOKIAK

Ostirala,5 Lizarran (Nafarroa) Mtz. de Irujo Vs. Patxi Ruiz.(ETB)
Ostirala,5 Larraintzarren (Nafarroa), 22:30 etan Gonzalez Vs. Urrutikoetxea.
Larunbata,6 Labriten Titin III.a Vs. Berasaluze VIII.a (NITRO TV).
Igandea, 7 17:00 etan Eibarren Barriola Vs. Retegi BI. (ETB).