Zubizarreta III-Erasunek garaipenarekin itxi zuten Binakako Promozio Txapelketako aurreneko jardunaldia

2021/01/05

Gorabehera handiko partida eskeini zuten atzo Alberdi-Salaverri II eta Zubizarreta III-Erasun bikoteek. Norgehiagokaren hasieran urdinek bost tanto jarraian egin ondoren, gorriek lau tantorekin erantzun zuten, eta berehala beste sei tanto egin zituzten urdinek. Kolpeka partida apurtzea lortu zuten Zubizarreta III-Erasunek eta azkenean 12-22 irabazi zuten partida, Promozio txapelketako aurreneko puntua eskuratuz.

Binakako Txapelketari dagokionez, Elezkano II-Zabaletak aise gainditu zituzten Ezkurdia-L.Galarza Irungo Uranzu pilotalekuan. Markagailuak 1-2 baino ez zuenean adierazten, urdinek hamasei tanto egin zituzten jarraian norgehiagoka erabakita utziz. Azkenean, 22-3 irabazi zuten Elezkano II-Zabaletak.

Emaitza: Alberdi-Salaverri II 12-22 Zubizarreta III-Erasun
Partidaren iraupena: Ordu 1 eta 5 minutu
Pilotakadak: 500
Berdinketak: 1-1, 2-2, 6-6
Gorriz (Alberdi-Salaverri II): 6 tanto egin dituzte eta 9 galdu
Urdinez (Zubizarreta III-Erasun): 13 tanto egin dituzte eta 6 galdu
Lehenengo partida: Ezkurdia-L.Galarza 3-22 Elezkano II-Zabaleta