ZORNOTZA ETA OIARTZUN, BIGARREN SAIOAREN TOPAGUNEAK

2019-03-22

Ostiral honetan pilotazaleek bi tokien artean hautazteko aukera izango dute 2006ko EPELen Binakako txapelketako partidak ikusteko. Alde batetik Zornotzako Titin III.a-Paskual eta Koka-Beloki norgehiagoka dute. Bertan garaipenen markagailua zabaltzear duten gorrien ahaleginen lekukoak izango dira, izan ere, lehenengo ihardunaldian Bengoetxea VI.a eta Patxi Ruizen aurrean 16-22 galdu baitzuten. Koka-Beloki bikoteak aldiz, ondo hasitako ibilbideari eusten saiatuko da joan den asteburuan Gonzalez-Lasa III.a 22 eta 12 mendean hartu zuten eta.

Beste hitzordu handia Oiartzunen dugu. Madalensoro pilotalekuan Olaizola I.a-Otxandorena eta Gonzalez-Lasa III.aren arteko lehia izango da. Asegarceko ordezkariak bigarren garaipenaren bila irtengo dira txapelketako hasieran 22 eta 18 Xala eta Goñi III.a Tolosan garaitu eta gero. Aspeko bikoteak berriz, ahalegin berezia egin behar izango du lehenengo partidan eskeinitako joku maila hobetzeko 2003ko txapeldunak diren Koka eta Belokiren aurrean 12 eta 22 geratu ondoren.