Uriondok larunbatean egingo du debuta Baiko Pilotarekin

2020/10/06

Gizaburuagako atzelariak, larunbat honetan egingo du debuta profesionaletan. Elezkano II.a lagun duela, Zubizarreta III-Ladis Galarzaren aurka jokatuko du Gernikako Santanape frontoian.

Endika Uriondok Lekeitioko Akarregi pilota elkartean jo zituen bere aurreneko pilotakadak, 11-12 urterekin Lea Ibarra Motrollo pilota elkartera joan artean. Afizionatuetan garaipen ugari lortu ditu Uriondok. Aurten, Lezamako eta Elgoibarko Txapelketak irabazi ditu eta afizionatu mailako txapelketa garrantzitsuenetako final guztietan izan da. Orain, profesionaletan debuta egingo du Baiko Pilotarekin.
Larunbateko Gernikako pilota jaialdia, arratsaldeko 17:30ean hasiko da Elordi-O.Etxebarria eta Zabala-Untoriaren arteko partidarekin.
Sarrerak eskuragarri daude dagoeneko EntradasFronton web orrialdean.