Unai Lasok ez du Baiko Pilotan jarraituko

2020/09/20

Gaur, irailak 20, Unai Laso pilotariak Baiko Pilotako kide izateari utzi dio. Pilotariak ez du enpresak abuztuaren 12an egindako kontratu berriaren proposamena onartu, eta enpresak ez du onartu pilotariak egindako kontraeskaintza. Alde biak ez dira adostasun batera iritsi eta Unai Lasok ez du Baiko Pilotan jarraituko.



Baiko Pilotak egungo egoera ekonomikoa dela eta adostasun batera iritsi ez izana sentitzen du eta ateak zabalik uzten ditu etorkizunean berriz elkartzeko. Era berean, bere profesionaltasuna eskertzen dio, eta etorkizunerako zortea opa dio.