TIRAPU INDARTSUA OLAIZOLA I.AREN AURKA GAUR LODOSAN

2019/03/22

Ritxar Tirapuk ez du goi mailako jokuaren trena galdu nahi. Azkenaldian erakusten ari den maisutasuna plazaratu nahi du Olaizola I.aren aurkako partiduan gaurko Lodosako San Francisco pilotalekuan.

Bere enpresako sailkapenean igotzeko urratsak emateko prest da, batez ere, azken asteetan emandako pilota ikasgaiak kontutan izanda.

Azken froga, joan den igandean Bergaran egindako partida borobila. Tirapuk Beloki lagun zuela, Olaizola I.a eta Peñagarikano mende hartu zituen 22 eta 19 emaitzaz eta berak bakarrik 12 tantu egin zituen gantxu, dejada eta parada itzelaz.

Aparteko partida burutu zuen Orkoiengoak eta egun Olaizolarekiko estadistika ere apurtu nahi izango du Ritxarrek, joan zen abenduan Barañainen 18 eta 22 galdu baitzuen Asierren kontra.

Oreka gaurko 22:00 etan hasiko den jaialdian hautsiko da beraz.