TELECINCOKO FRONTON SAIOAK BANAKAKO 100 PARTIDU EMAN DITU

2019-03-22

URTEURRENA DELA ETA LARUNBAT HONETAN BURUZ BURUKO TXAPELKETAKO BI NEURKETETAKO PROGRAMA BEREZIA

Josetxo Lizartzak zuzendu eta aurkezten duen FRONTON saioak eskuz banakako 100 partidu eman duenerako urteurrena egingo du larunbat honetan.
1993ko urtarrilaren 24an Irazola eta Belokiren arteko 2.mailako eskuz banakako finala -Burlatarrak 22-10 irabazita- eskaini zuenetik hamabi urte pasa dira, tarte horretan maila guztietako buruz buruko 100 neurketa erretransmititu dituela FRONTON saioak.
Urteurrena hau dela eta, FRONTON-ek programa berezi bat eskainiko du larunbat honetan 17:30 etan aurtengo buruz buruko txapelketako bi norgehiagoka handiekin.
Hasteko Oinatz Bengoetxea pilotari gaztea eta Lasa III.aren kontrako lehia ikusi ahal izango da. Aipatu behar da Bengoetxea VI.a binakako txapeldunorde berria dugu eta afizionatuetako mundialetan buruz buruko txapelduna izan dela.
Ondoren beste partidu handia: Beloki vs. Goñi III.a.
2003ko edizioan lesio bat zela medio Burlatako txapeldun handiak ezin izan zuen parte hartu eta 2005ko edizioan esku hartzeko irrikitan dago. Banakako txapeldunik gazteena – 1995 urtean 20 urtez suertatu zen txapeldun- duela gutxi Mtez. de Irujorekin batera binakako txapela eskuratu zuen Goñi III.aren kontra aritu behar izango da Ruben.

Programa berezia

FRONTONek bi kanporaketak oso osorik eta zuzenean eskainiko ditu Euskal Erkide Autonomoa, Nafarroa, Errioxa eta Gaztela eta Leon-go lurraldeetan.
Egungo denboraldian Josetxo Lizartzak zuzentzen duen programa joan den larunbatean Zornotzan jokatu zen Agirre vs. Galarza V.aren arteko partidaz hasi zen buruz buruko txapelketan. Bertan lehia eder eta gogor baten ondoren bizkaitarra atera zen garaile.