PEÑAGARIKANO “IRABAZTEKO, AZTEAN MANTENDU BEHAR DUZU BARRIOLA “

2019/03/22

Asegarce.com Azpeitiako morroskoarekin berbetan egon da eta hauxe da mintzatu zaiguna.

-Zer moduz ikusten duzu zure burua?
Ondo. Atzo Aimarrekin entrenatu nuen eta pozik geratu nintzen.

-Zertan entrenatu zara gehien?
Gure prestatzailea den Luis Goñirekin fisikoa landu dut eta gero frontoian sakea, dejada, hormabikoa eta airezko defentsa.

-Zelan ikusten duzu Barriola?
Indartsu. Lehen kanporaketan Galarza V.aren kontra ez zen bere benetako maila ikusi baina joan den larunbatean Xalaren kontrako partiduan oso ondo ikusi nuen.

– Zeintzu dira Barriolaren armarik onenak?
Sakea eta sake-buelta. Entregatzen baduzu oso trebea da bukatzen, aurrelari bat bezain ona.

-Eta non dauka zuloa, baldin badauka?
Atzean mantentzen baduzu berak entregatuko omen du eta nik pilotari emoteko aukera izango dut.

Barriola:103,1-104,6 g.
Peñagarikano: 104,8-105,9 g.