PATXI RUIZ ETA XALA FINALERAKO BIDEAN

2019-03-22

Patxi Ruiz eta Ives Salaberri gaur arratsaldean aurrez aurre izango dira Zarauzko Aritzbatalde Pilotalekuan partida irabakigarri batean.
Pilotari biek finalerdietako ligaxkan bere lehenengo partida irabazi zuten,beraz, gaurko irabazleak, bi partida irabazita finalerako bidean egongo litzateke.
Patxi Ruizen iritziz: “Partida zaila izango da. Xala sake-errematea eta boleaz arituko omen da baina nik pilotari abiadura emango diot bera atzean izan dadin”
Xala, bere aldetik bere estrategia ohikoa izango dela ziurtatzen du: “piloteoan eutsi eta aukera denean airez, boleaz zein gantxoz sartuko naiz”. Lehiaketa hau 17:30etatik aurrera Tele 5ak emango du.
Jaialdia 16:45etan Koka-Beloki II eta Olaizola I-Otxandorena arteko norgehiagokarekin hasiko da eta lau eta erdiko txapelketaren partida amaitu ondoren Saralegi-Rai eta Aretxe II-Begino bikoteek itxiko dute.