Ostiralean hasiko da Buruz Buruko 2023 Txapelketa

2023-04-05

Txapelketa asteburu honetan hasi eta ekainaren 4an amaituko da Bizkaia Frontoiko finalarekin
Laso, Jaka, Ezkurdia, Altuna III, Artola, Urrutikoetxea, Aranguren, Alberdi, Elezkano II, Elordi, Dario eta P.Etxeberria txapela irabazten saiatuko dira
Lehiaketa final-zortzirenetako kanporaketekin hasiko da, ondoren final-laurdenetako liga jokatuko dute. Finalerdien ondoren, Bizkaia Frontoian erabakiko da finala
CaixaBankek Buruz Buruko Txapelketaren babesle nagusia izaten jarraituko du beste urte batez

Añana, 2023ko apirilaren 5a

Buruz Buruko Txapelketa irabazten saiatuko diren pilotarien zerrenda eman dute ezagutzera gaur goizean egindako aurkezpenean. Baiko Pilotako sei ordezkari eta Aspeko beste sei ahaleginduko dira ekainaren 4ko finalean txapela janzten. Gesaltza Añanan egin da aurkezpena, eta baita Txapelketaren aurkezpen argazkia ere.

CaixaBankek esku pilotako egutegiko txapelketarik garrantzitsuenaren, Buruz Buruko Txapelketaren, babesle nagusia izaten jarraituko du beste urte batez.

Asteburu honetan bertan jokatuko dituzte final-zortzirenetako kanporaketak. Ostiralean Urrutikoetxeak eta Elordik estreinatuko dute lehiaketa Lekeition; larunbatean Elezkano II.ak eta Artolak jokatuko dute elkarren aurka Bastidan; igandean Dario eta Aranguren izango dira aurrez aurre Ezkarain; eta astelehenean, Tolosan, P.Etxeberria eta Alberdi saiatuko dira final-laurdenetako ligara sailkatzen. Final-laurdenetan zain izango dituzte iaz finalerdiak jokatu zituzten lau pilotariak: Laso, Jaka, Ezkurdia eta Altuna III.

Berritasuna

Berritasun gisa, edizio berri honetan final-laurdenetako liga bost astez garatuko da, eta hura jokatzen duten pilotariek bi asteko atsedena izango dute.

Aurreneko jardunaldiko jaialdietarako sarrerak entradasfronton webgunean eskuratu daitezke jadanik.