2025/09/29
- Txapelketa urriaren 3an hasiko da Alegian
- Jaka, Altuna III, Peña II, P.Etxeberria, Artola, Dario, Larrazabal, Ezkurdia, Bakaikoa, Elordi, Zubizarreta III, eta Zabala txapela irabazten saiatuko dira
- Txapelketa final-zortzirenetako kanporaketekin hasiko dute, eta ondoren final-laurdenetako liga bat, finalerdiak, 3. posturako partida eta azaroaren 16ko finala jokatuko dituzte.
Gaurko aurkezpenean 4 ½ Eusko Label Txapelketa irabazteko hautagaien zerrenda ezagutzera eman da. Bizkaia Frontoian egindako ekitaldian Amaia Barredo Elikadura, Landa Garapen, Nekazaritza eta Arrantza sailburuak eta Unai Iglesias eta Inaxio Errandonea Baiko Pilota eta Aspe Pelotako arduradun komertzialek parte hartu dute. Baiko eta Aspeko pilotariak Joma markako jantzi berriak jantzita joan dira aurkezpenera, eta ostiral honetan bertan estreinatuko dituzte final-zortzirenetako kanporaketetan.
Gaur goizeko aurkezpenean egindako zozketak final-zortzirenetako kanporaketa hauek utzi ditu:
| DATA | TOKIA | PARTIDA |
|---|
| 10/3 (Final zortzirenak) | Alegia | Artola vs Bakaikoa |
| 10/3 (Final zortzirenak) | Zalla | Ezkurdia vs Elordi |
| 10/4 (Final zortzirenak) | Soria | Darío vs Zabala |
| 10/5 (Final zortzirenak) | Eibar | Zubizarreta III vs Larrazabal |
Final-zortzirenak gainditzen dituzten lau pilotariek Jaka, Altuna III.a, Peña II.a eta P.Etxeberria izango dituzte zain hurrengo fasean, final-laurdenetako ligan. Finalerdiak azaroaren 1ean eta 2an jokatuko dira, hirugarren postua azaroaren 9an erabakiko da, eta final handia azaroaren 16an.
Berrikuntzak
- Sakearen marra lau t ‘erdian egongo da.
- Pilota aukeraketa partidaren egun berean izango da, finalean izan ezik, orain arte bezala mantenduko baita.
4 1/2 Serie B Txapelketa
Gaur goizean, 4 1/2 Serie B Txapelketako aurkezpena eta ondorengo final zortzirenetako zozketa ere egin dira. Hauek dira zozketak ekarri dituen 4 1/2 Serie B Txapelketako final-zortzirenetako kanporaketak:
| DATA | TOKIA | PARTIDA |
|---|
| 10/3 (Final zortzirenak) | Alegia | Eskiroz vs Morgaetxebarria |
| 10/3 (Final zortzirenak) | Zalla | Lizeaga vs Murua |
| 10/4 (Final zortzirenak) | Soria | Exposito vs Amiano |
| 10/5 (Final zortzirenak) | Eibar | Aldabe vs Rekalde |
Finalerdiak urriaren 31n, ostiralean, jokatuko dira, eta finala azaroaren 8an izango da, Tolosako Beotibarren.
Sarrerak salgai:
Jaialdietako sarrerak entradasfronton orrian eros daitezke