OLAIZOLAK ETA OTXANDORENAK MTEZ. DE IRUJO-EULATERI IRABAZI ETA ZORTZIRENETAKO ONENAK GERATU DIRA

2019/03/22

Olaizola eta Otxandorenak jokatutako partiduak beste garaipenak lortu dituzte. Asegarceko bikoteak bere taldeko lehen postuari eutsi diote Tolosako Beotibarren Mtez. de Irujo eta Eulate emozioz beteta eta beroa izan den partiduan 22 eta 20 irabazi ondoren.
Nahiz eta galtzen joan Asier Olaizolak behar bezalako jokaera atera du tolosako kantxan eta 13-18 egonda 18na lortu du beren pilotakadak Irujoren oinetara bidaliz eta azken txanpan maisu baten txapagaineoak gauzatuz.
Otxandorenak bere lagunarentzat erabateko segurtasuna suposatu du eta buelta hori gauzatzeko ezinbestekoa izan da.
Mtez. de Irujok aurreko epaileari besotik heldu dio gorrientzat 20na suposatu duen jokaldian izandako bote bat edo bi izan direnentz eztabaidan sartu denean.

Finalaurdenetako lehiak

Asegarcekoak bere taldeko lehen postuan geratu dira eta gainera partidu bakar bat galdu gabe. Datorren larunbatean Iruñako Labriten Gonzalez-Lasa III.aren kontra jokatuko dute. Gainerako gurutzeak honelaxe izango dira:
Titin III.a-Paskual vs. Bengoetxea VI-Patxi Ruiz ostiralean Azkoitian.
Olaizola II-Zearra vs. Xala-Goñi III.a larunbatean Idiazabalen.
Koka-Beloki vs. Mtez. de Irujo-Eulate igandean Bergaran.

Pilota aukeraketak honelaxe egingo dira:

Titin III.a-Paskual vs. Bengoetxea VI-Patxi Ruiz, asteartean, hilak 31, 11:30 etan Azkoitiko Gurea pilotalekuan.
Olaizola-Otxandorena vs. Gonzalez-Lasa III.a asteazkenean hilak 1, 11:30 etan Iruñako Labrit pilotalekuan.
Olaizola II.a-Zearra vs. Xala-Goñi III.a , asteazkenean, hilak 1, 16:30 etan Idiazabalgo Igarondo pilotalekuan.
Koka-Beloki vs. Mtzez. de Irujo-Eulate, ostegunean, hilak 2, 11:30 etan Bergaran.