OLAIZOLA II “OLAIZOLA II.AK IRABAZTEN DUENEAN KAZEARI BATZUEI EZ ZAIELA GUSTATZEN EMATEN DU”

2019/03/22

Aimar Olaizola eta Mtz. de Irujo Gasteizko Ogueta pilotalekuan egon dira eguerdian datorren igandean jokatuko duten Lau t´Erdi txapelketako ligaxkaren garrantzi handiko azken partidurako pilotak aukeratzen.

Olaizola II.ak 106,8 eta 104,7 gramoko pilotak aukeratu ditu, Mtz. de Irujok 106,3 eta106 gramokoak hartu dituen bitartean.
Asegarceko pilotariaren lotea Punparena da eta baxuagoa omen da.
Aspeko pilotariarena, berriz, Ciprik egindakoa da eta biziagoa.

Egin den prentsaurrean honako adierazpenak egin ditu Goizuetako pilotariak:

“Gustora geratu naiz pilotekin. Polemika guzti hau prentsak sortu du. Ematen du Olaizola II.ak irabazten duenean kazetari batzuei ez zaiela gustatzen eta garaipena materialagatik izan dela.
Partiduari buruz, zaila izango da ustean nago baina aurreko partiduetan emandako mailari eutsiko diot. Partidua bizkorra izango delakoan nago Irujok pilotari abiadura handia ematen dio eta.
Juan nere aurkaririk arriskutsuena dela aipatzen dutenean egia ez dela diot. Juan edozein pilotarirentzat da aurkari zaila.
Matematikak ez zaizkit axola markadoreari begira gabe irabaztera irtengo naiz eta.
Uste dut beste urtetan bezalako joku mailan nagoela, kontua da sorbaldaren lesioa dela eta piloteoari apur bat gutxiago jotzen diodala eta airez jokatzeko behartuta izan naizela”.