OLAIZOLA II.A “IAZ BAINO HOBETO NABIL”

2019-03-22

Olaizola II.a eta Barriolak bat egin dute Donostiako Atano III.a pilotalekuan datorren igandean EPELen Lau eta Erdiko Txapelketaren finalerdietako ligaxkaren bigarren partiduan erabiliko dituzten pilotak aukeratzeko.
Pegarik ez da izan eta bi pilotariak batera agertu dira prentsaurrekoan, pilotan estraineko aldiz izan delarik.
Honako adierazpen hauek egin dituzte bertan
-Olaizola II.a
Materialarekin gustora. Nik ohi hartzen dudala, hots, frontisetik gutxi atera eta behetik ondo ibiltzen direnak.
Iaz baino hobeto ikusten dut nere burua baina igandeko partiduari begira beste konpromezu zaila daukat eta partiduz partidu joan behar delakoan nago.
Titin III.aen kontra ondo ikusi nuen Abel; konzetratuta, tantu batzuetan hainbat pilota ihes egin zitzaizkion arren. Pilotari handia da.

Aimar, amets gaiztoa

-Barriola
Nere lotean, frontisetik ondo ateratzen den pilota bat dago eta zakarra den beste bat.
Aitortu behar dut Aimar nere amets gaiztoa dela, buruz buruko txapelketetan batez ere. Baina beno, igandean a tope aterako naiz.
Izterreko mina dela eta ezer gutxi daukat eta igandean ehuneko ehunean izango naiz.

Olaizola II: 105,7-105,6 g.
Barriola: 103,3-106,1 g.