OLAIZOLA II.A “FINALAK EZ DU BESTE PARTIDUEKIN ZER IKUSIRIK”

2019/03/22

Olaizola II.ak eta Mtez. de Irujok bat egin dute Donostiako Atano III.a pilotalekuan igandeko finalean aterako dituzten pilotak aukeratzeko.
Jendetza itzela bildu da harmailetan -400 pertona inguru- eta kazetari urjauzia egon da kontrakantxan.
Bi finalista pozik agertu dira materialarekin eta Punparenak izan diren lau pilotak onak direla aipatu dute.
Aimar Olaizolak zera esan du partidaz “Partiduak ezberdinak dira eta jokatu behar dira. Juani bere jokua egiten eragotzi behar zaio. Hasieran indartsu ekin eta sakearekin asmatu behar dut. Banaka neurketetan sakea garrantzitsua da oso bolada erabakigarriak sor ditzake eta”.

Mtez. de Irujok Olaizola II beste pilotariekin alderatuta ezberdina dela aitortu du “Belokiren kontrakoa baino partida erabat ezberdina izango da. Aimar txapelduna da eta pilotari peto-petoa da. Kantxan bikain jartzen da, defentsa ona du eta ez du sekulan amore ematen. Akatsaren bat egiten baduzu jai duzu”.

Olaizola II.a: 104,7-102,7 gramo.
Mtez. de Irujo: 105,3-105,1 gramo.