OLAIZOLA II.A “EZ DITUT ZENBAKIAK EGIN”

2019/03/22

Olaizola II.a-Mendizabal II.a eta Titin III.a-Laskurain bikoteek pilotak hautatu dituzte datorren larunbatean Labriten jokatuko den binakako txapelketako partidurako.
Ez da arazorik izan eta bi bikoteak konforme geratu dira.
Hauexek dira heuren adierazpenak.

-Olaizola II
“Partidu zaila izango da. Oso bikote arriskutsua da. Gustora nabil Oierrekin. Ni saiatzen naiz ahalik eta gehien bera laguntzen. Txapelketetan aurrelariek tantua egiterakoan lan gehiago egiten dute bestelako partiduetan ez bezala. Ez ditut zenbakiak egin partiduz partidu joan behar delako”.

-Mendizabal II
“Pozik nago jokatzen ari naizen txapelketarekin. Trankil noa eta gainera une zailetan Aimarrek asko laguntzen nau”.

Mendizabal II.a, lasai

-Titin III
“Txapelketa ez da oraindik bideratuta. Oraindik lau partida geratzen dira eta dauden bikote guztiek aukera dituzte. Heurek hasiera kaskarra egin zuten baina orain irabazten bagaitu gure parean jarriko dira. Laskurainen jokuak ez nau ustegabean harrapatu, lehen ere nor den erakutsi zuen eta”.

-Laskurain
“Eroso nabil, lasai. Partidu garrantzitsuak direla badakit baina oso zentratuta nago. Eskuak ere ondo doaz”.

Olaizola II-Mendizabal II: 105-103,7-106 g.
Titin III-Laskurain: 105,2-104,9-104,4 g.