OLAIZOLA II.A, ASEGARCE.COM-EKO SAILKAPENEKO ONENA

2019/03/22

2004-2005 denboraldia bukatu da eta asegare.com-eko sailkapenak epaia eman du: aurtengo Asegarceko pilotari onena Olaizola II.a izan da.
Hamabi hilabete pasa dira eta denetariko mailetako partiduak jokatu ondoren -EPELeko txapelketa handi eta torneoak, torneo txikiak, partida arruntak- zenbakiek panorama argi eta garbi isladatzen dute. Goizuetako pilotaria Asegarceko pilotaria onena izan da 5.855 puntu batu baitu bukatu berri den denboraldi honetan.
Bigarren tokian Patxi Ruiz dugu. Lizarrakoak 4.706 puntu lortu ditu, Aimarrek lortutakoa baino 1.000 puntu gutxiago hain zuzen ere. Hori Olaizolak lehenengo postua jabetzerakoan erakutsitako tinkotasunaren adierazle garbia da zalantzarik gabe.
Hirugarren lekuan Zearra bikain bat dugu. Bizkaitarrak 4.308 puntu eskuratu ditu eta sanmateoak baino lehen lesioa edukiko ez balu, Patxiren parean ibili izan zitekeen bigarren tokiaren atzean.
Hauen atzean Olaizola I.a, Otxandorena, Beloki eta Asegarceko koadroa osatzen duten gainerako pilotariak.
Asegarce.com-eko erredaktoreok gure zorionik beroena luzatu nahi diogu Asegarceko 2004ko pilotaririk onena izan den Aimar Olaizolari.