OINATZ LOTSAGABEA

2019-03-22

2002ko urriaren 5ean Labriten debuta egin zuenetik asko aldatu dira gauzak Oinatz Bengoetxearentzat. Afizionatu mailan maila ezinhobea eman ostean profesionaletan ibilbide gogorrari ekin zion leitzarrak hainbat gorabehera tartekatuz. Egun goian kokatua dugu eta handiekin alderatuz gero egurra ematen hasia da Oinatz.

Datorren larunbatean Titin III.arekin izango da aurrez aurre baina norgehiagokak ez dio nafarrari logura inolaz ere kentzen, izan ere, urtebete eta erditik hona berarekin jokatutako zazpi partiduetatik bost irabazita dauzka Oinatzek.
Adarraga pilotalekuak ere ez du Augusto babesten aurtengo EPELen binakako txapelketako finalzortzirenetan Bengotxea VI.aren aurrean 16-22 emaitzaz amore eman behar izan baitzuen.