Leitzako pilotariak urtarrilaren 29an emango dio amaiera bere ibilbide profesionalari EPELeko pilotari bezala.
Bengoetxea VI.ak pilotazaleengandik agurtzeko zenbait partida jokatuko ditu frontoi nagusietan eta bere kirol ibilbide arrakastatsuari amaiera urtarrilaren 29an emango dio Iruñeko Labriten.
Aurrelari nafarra, pilotari handi ugari bildu dituen belaunaldi bateko azken erreferentea da, bere lorpenek hala adierazten duten bezala:
• Profesionaletako palmaresa:
♣ Buruz Buruko Txapelduna: 2008, 2017
♣ 4 ½ ko Txapelduna: 2016
♣ Binakako Txapelduna: 2015
♣ 4 ½ ko Txapeldunordea: 2012
♣ Binakako Txapeldunordea: 2005, 2017
♣ Nafarroako 4 ½ ko Txapelduna: 2011, 2012
♣ Buruz Buruko Masterseko Txapelduna: 2010
• Afizionatu mailako palmaresa:
♣ 2002 Munduko Buruz Buruko Txapelduna
♣ 2002 Espainiako Buruz Buruko Txapelduna
♣ 2002 Nafarroako Buruz Buruko Txapelduna
Bere joko alai, azkar eta ikusgarria baliatuz garaipen handiak lortu ditu Oinatz Bengoetxeak, eta horrez gain pilotari maitatuenetako bat izan da pilotazaleen artean.
Bere zaleek frontoi hauetan agurtu ahal izango dute:
12/26 Bizkaia Frontoia (Bilbo)
01/02 Ogeta (Vitoria-Gasteiz)
01/16 Atano III (Donostia)
01/24 Beotibar (Tolosa)
01/29 Labrit (Iruñea)
Hauek dira Bengoetxea VI.aren kirol ibilbideko daturik garrantzitsuenak:
• Debuta: 2002/10/05 Labriten
• 19 urte profesional gisa
• 1.000 partida baino gehiago jokatu ditu profesionaletan orain arte
• 7 final jokatuta
• 4 txapel irabazita
Oinatz Bengoetxeak nabarmendu du “asko gozatu duela pilotari bezala, eta pilota beti bihotzean eramango duela”.
Halaber, Baiko Pilotak eskerrak eman nahi dizkio Leitzako aurrelariari urte guzti hauetan egindako lanagatik, eta zorte handia opa dio etorkizunean.