Esku Pilota Enpresen Ligako lehiaketa epailearen erabakia,Jokin Altuna pilotariak 2025eko Lau t’erdiko Txapelketako final-laurdenetako 3. jardunaldiko partida ezin jokatzeari buruzkoa.
2025eko urriaren 22a
1.- 2025eko urriaren 22an, Aspe Pelota enpresak EPELi jakinarazi dio Jokin Altuna pilotariak tendinopatia muskularra duela, eta, beraz, enpresa horretako zerbitzu medikoen iritziz – hitzez hitz –, “ez dago asteburu honetan jokatzeko moduan”.
2.- 2025eko Lau t’erdiko Txapelketaren EPELeko Araudian aurreikusitakoaren arabera, final-laurdenetako ligan: “Pilotari batek ezin badu jokatu final-laurdenetako liga fasea osatzen duten hiru jardunaldietako bat, partida horretan 22-0eko emaitza zenbatuko zaio bere aurka jokatu beharko lukeenaren alde”.
3.- 2025eko urriaren 25erako programatuta zegoen, Tolosan, final-laurdenetako ligako B multzoko 3. jardunaldiko partida, Altuna eta Zabala pilotarien artekoa.
Adierazitakoan oinarrituta,
ERABAKIA:
I.- Jokin Altunaren egoera EPELi jakinarazitzat izatea, eta aipatutako pilotariak 2025eko urriaren 25erako Tolosan programatutako partida, Zabalaren aurka jokatu behar zuen final-laurdenetako ligako B multzoko 3. jardunaldiari dagokiona, jokatzea ezinezkoa dela adieraztea.
II.- 2025eko Lau t ‘erdiko Txapelketaren EPELen Araudian xedatutakoaren arabera, Altuna III – Zabalaren arteko partidaren emaitza 0-22 dela ezartzea, azken horren alde, final-laurdenetako ligako B multzoko 3. jardunaldiko sailkapenari dagokionez.
III.- Erabakitakoa interesdunei jakinaraztea, dagozkion ondorioetarako.
IV.- Erabakitakoaren aurka ezin da errekurtsorik aurkeztu.
Hori da dokumentu honen datan sinatutako ebazpena.
Borja Osés García
EPELeko Lehiaketa Epailea