MIKEL BELLOSOK IGANDE HONETAN DEBUTATUKO DU ZARAUTZEN

2019-03-22

Mikel Belloso tolosarra Asegarcerekin profesionaletara pasako da igande honetan Zarautzeko Aritzbatalde pilotalekuan. Egun garrantzitsu honetan, Bellosok atzealdean Mendizabal.IIaren laguntza duelarik jokatuko du eta Beloki.II eta Urrizelkiren kontra arituko dira arratsaldeko lehenengo partidan.
Enpresako teknikarien hitzetan, pilotari bizia, bi eskuz pilotakada azkarra duena eta bukatzen oraindik lan egin behar duen pilotaria dugu.
Bi urtetarako hitzarmena sinatuta, Bellosok aurten Asegarcen profesional bihurtu diren Argote, Oteiza eta Apraizekin bat egingo du.