MENDIZABAL ETA ESKUDERO LAUGARREN GARAIPENAREN BILA LAUDION

2019-03-22

Laudioko Aretako pilotalekua, arratsaldeko 19:30etatik aurrera, Mendizabalek-Eskuderok eta Arretxe II.ak-Beginok jokatuko duten Binakako Izar Berrien Txapelketaren final-laurdenetako partidaren lekukoa izango da.
Final-aurrekotarako pasea lortuta daukaten Mendizabal eta Eskuderorentzat final-laurdenetako ligatxoaren azken partida izango da eta irabaziko balute fase honetako lehenengo sailkatuak izango lirateke. Gorriz jantzita arituko den bikoteak orain arte jokatutako partida guztiak irabazi ditu.
Bere aldetik Arretxe II.ak eta Beginok partida bakar bat jokatu dute eta Saralegi eta Urrizelkiren aurrean 22 eta 21 galdu zuten.
Lehiaketa hau Vocento taldeko Castilla eta Leon, La Rioja eta Euskadiko telebistetako emisoreek “De frontón en frontón” saioan emango dute.
Orain arte jokatu diren partida guztietako emaitzak web honetako “Txapelketaren egutegia ” sailaren “Izar Berrien Binakako Txapelketa ” atalean ikus ditzakezue.