Mariezkurrena II.ak ez du Buruz Buruko Txapelketa jokatuko

2024-04-01

Berriozarreko atzelariak Buruz Buruko Txapelketan ez parte hartzea erabaki du gaur goizean egindako probaren ondoren. Bere ordez Urrutikoetxeak jokatuko du.

Jon Mariezkurrenak azken proba egin du gaur goizean Iruñeko Labriten Buruz Buruko Txapelketan parte hartuko duen edo ez erabakitzeko. Azken unera arte saiatu bada ere, pilotari nafarrak molestia txikiren bat nabaritu du oraindik ere eskuin eskuan eta 2024ko Buruz Buruko Txapelketa ez jokatzea erabaki du.

Mikel Urrutikoetxeak jokatuko du Mariezkurrena II.aren ordez Txapelketan. Asteburu honetan jokatuko dira final-zortzirenak.