Mariezkurrena II.ak eskuko mina gainditu du, eta larunbatean Buñuelen jokatuko du

2023/01/10

Jon Mariezkurrenak eskuin eskuan zuen mina gainditu du, eta larunbatean Buñuelgo Manolo Malo pilotalekuan izango da Peña II.arekin batera, Urrutikoetxea-Albisu bikotearen aurka jokatzeko arratsaldeko 18:00etan hasiko den pilota jaialdian.

Berriozarko atzelariak min hartu zuen eskuin eskuan urtarrilaren 2an Tolosako Beotibarren jokatutako partidan pilota bat jotzean. Eskuin eskuko ahurrean zuen tumefakzioa, hematoma eta mina sendatuta, Mariezkurrena II.a prest dago asteburu honetan hasiko den Binakako Txapelketako bigarren itzuliari ekiteko.