Mariezkurrena II.a eta Aranguren Binakako Txapelketara itzuliko dira jardunaldi honetan

2024-02-08

Eskuetako mina gainditu eta gero, biak daude prest sailkapen ligako azken aurreko jardunaldi honetan jokatzeko. Zubizarreta III.ak ere jokatuko du Binakako Serie B Txapelketan.

Bi atzelariak eskuko mina dela eta, sailkapen-ligako azken bi asteburuetan jokatu gabe egon ondoren, jardunaldi honetan berriz kantxaratuko dira.

Jakak eta Mariezkurrena II.ak Elordi-Rezustaren aurka jokatuko dute astelehenean Tolosan, finalerdietarako sailkapena ziurtatuta dutela. Eta Laso-Arangurenek playoffera begira, Ezkurdia-Tolosa izango dituzte aurrez aurre igandean Tafallan.

Zubizarreta III.a Binakako Serie B Txapelketan

Zubizarreta III.a, ezker eskua minduta zuela eta azken jardunaldian jokatu gabe geratu ondoren, larunbat honetan azalduko da berriro Labriten Ugartemediarekin batera De la Fuente-Aldaberen aurka jokatzeko.