LAU T’ERDIKO FINALZORTZIRENAK HASTEN DIRA

2019-03-22

Gaur, Etxebarriko Herriko Frontoian gaueko hamar t’erdietan Xala eta Leizaren artean jokatuko den partiduarekin, lau t’erdiko txapelketa finalzortzirenak hasten dira. Partidu honetatik final laurdenetan Ruben Belokiren kontra jokatuko duen pilotaria aterako da.

Leiza, makal baina susmo onekin
Lemoako aurrelaria eztarriko infekzio batengatik kilo batzuk galdu ondoren fisikoki lermatuta Etxebarriko kantxan agertuko da. Baina bizkaitarrak susmo onak ditu eta faborito bezala ateratzen den Xalari zaila jartzea espero du.

Larunbatean eta astelehenean izango dira partiduak
Balmasedan eta Iruñan larunbatean jokatuko diren partiduetatik aterako dira Capellanen eta Titin III.aren lehiakideak hurrenez hurren. Balmasedako partiduan Agirre eta Olaizola II. Aurrez aurre izango dira eta Iruñako partiduan Barriola eta Esain.
Nagoreren kontra jokatuko duen pilotariaren izena esagutzeko, astelehenean Tolosako Beotibar pilotalekuan Mtez de Irujo eta Chafeeren arteko partiduan emaitza ikusi arte itxaron beharko dugu.