Lasok eta Artolak Iruñean eta Tolosan hasiko dute Buruz Buruko Txapelketa

2024-03-22

Laso apirilaren 6an estreinatuko da Iruñeko Labriten, eta Artola apirilaren 7an Tolosako Beotibarren.

Gutxiago geratzen da Buruz Buruko Txapelketaren hasierarako. Hil honen amaieran Binakako Txapelketa amaitu ondoren, Buruz Buruko Txapelketa izango da protagonista nagusia ekainaren 2an jokatuko den finalera bitartean.

Martxoaren 29an Bastidan eta 30ean Lekeition jokatuko diren kanporaketek final-zortzirenetako faseari emango diote bidea.

Lasok apirilaren 6an, Iruñeko Labriten, eta Artolak apirilaren 7an, Tolosan, final-zortzirenetako fase honetan ekingo diote ibilbideari, eta handik final-laurdenetara sailkatzen saiatuko dira.

Bastidako eta Lekeitioko kanporaketetarako eta Labrit eta Tolosako final-zortzirenetarako sarrerak eskuragarri daude EntradasFronton atarian.