KAPITAINAK GALOIAK ERAKUTSI BEHAR IZAN DITU

2019/03/22

Olaizola II.ak eta Mendizabal II.ak puntu baliotsu bat lortu dute gaur Labriten jokatutako partiduan Titin III.a eta Pascuali 16-22 irabazita.

Partidu gogorra izan da eta lau pilotariak goi mailan jokatzen aritu dira.
Hasieran oreka izan da nagusi makina bat berdinketa tartean izan baita. Baina bederatzigarren tantoan bat eginda zirela partiduaren mandoa hartu du Olaizola II.ak eta gantxuz nola paraden bidez 9-17ra iristea lortu dute urdinek.

Mendizabal II.ak partidu serioa jokatu du Pascualek emandako pilotakadei sendo erantzunez.
Hasieran Titin III.ak aurreko koadroetan bere ohiko jokoa erakutsi du Olaizola II.ari duen defentsa bikaina atera araziz.
Emaitza honekin Asegarceko bikoteak 3 puntu batu ditu eta sailkapenean hirugarren tokian jarri da.