“HIL ALA BIZIKO PARTIDA IZANGO DA EIBARKOA”

2019/03/22

Berasaluze VIII.ak badaki Bengoetxea VI.a eta Belokiren kontrako igandeko Eibarko neurketa arras erabakigarria izango dela bera eta Patxi Ruizentzat “hil ala biziko partida izango da guretzat. Eurek galtzekotan finalerdietan sartzeko beste aukera bat dutenez askoz ere lasaiago jokatuko dute”.

Barakaldoko porrotari buruz Berriztarrak ez du bere burua izkutatzen “ilun aurkitu nintzen, txispa gabe. Agian astean zehar fisikoki pasatu egin nintzen eta partiduan ez nintzen bat ere argi ibili. Aste honetan prestaketa hobetu egin dut eta ondo helduko nahiz igandeko partidura.

Pilotalekuari dagokionez Pablok ez du inolako oztoporik bera eta Patxiren errendimendurako “Astelena frontoi ona da. Gustora jokatu izan dut beti eta ez dut uste gure jokuan eraginik eukiko duenik. Estrategiari dagokionez betiko jokua egingo dot, nire erara”.

Pablo Berasaluze eta Patxi Ruizek nahitanahiezkoa dute garaipena hirugarren partidua gauzatzeko eta horrela finalerdietara pasatzeko aukera izateko.
Zer gertatuko dena igande honetan Astelenan ikusiko dugu.