HAMAIRUA ZENBAKI ONA DA

2019/03/22

Ziurrenik hauxe izango omen da Oinatz Bengoetxearen iritzia. Leitzako pilotari biziak oso partidu bailotsua du gaur Lekeition. Bere hamairugarren garaipena jarraian izan daitekeena, alegia.

Hori lortzeko aurretik Aspeko bikotea osatzen duten “Goñitarrak” mende hartu behar izango ditu. Esan beharrik ez dago Mikel eta Fernando Leitzarraren poza amatatzen saiatuko direla.

Dena den, Oinatzek izanen duen laguna kontutan izanda norgehiagoka irabazteko ia papeleta guztiak Asegarcekoek omen dituzte. Baztango atzelaria uda aparta burutzen ari da eta Asegarceko atzelarien artean punta-puntan kokatu da. Sanfermin eta Zarauzko torneoak poltsikoan badauzka baita azken honetan torneoko pilotaririk onenaren saria ere.

Bengoetxea VI.ak Goñi II.arekiko estadistika Leitzarraren aldekoa da erabat, eduki duten borroka bakarrean, Otxandorena bera lagun zuela, Mikel eta Galarza VI.a 22 eta 8 garbi batez mende hartu baizituen Gasteizko Andra Mari ferian.

Erronka hor dago.