GEHIAGO EZ DAGO ESKATZERIK

2019/03/22

Berasaluze VIII.ak-Beginok eta Mtz. de Irujok-Goñi III.ak gaur Labriten jokatu duten partiduak txundituta utzi du frontoia goitik behera bete duen pilotazale pila.

2009ko Binakako Txapelketako finalaurdenetako puntu baliotsu bat zegoen jokuan eta horren bila zihoaztela pilotazaleen bideoteka gordetzeko erako norgehiagoka egin dute lau protagonistek.

Asegarceko bikoteak lortu du puntu garrantzitsu hori Aspekoari 22-20 irabazi ondoren. Aurrelariek pilotako liburu batetan isladatzeko moduko gantxu, txapagaineko eta paradak margotu dituzte, defentsa aparta erakutsiz gain.

Begino eta Goñi III.a aurrelarien parean aritu dira eta kontrako aurrelari zein atzelariak erreboteraino bidalitako pilotakadei erantzun zoragarria eman diete.

Labriteko publikoak aspaldian ez bezala gozatu du partidaz bereziki Pablo Berasaluzek eskeinitako erakustaldia ikusita.