GAUZAK ARGITZERA BARAKALDON

2019/03/22

Pubiseko ebakuntzaren eragindako geldialdia eta gero hartu behar den joku puntua hartzeaz gain Mikel Unanuek badu beste eginbeharrik gaur Barakaldes pilotalekuan.

Añorgatarrak Olaizola I.arekiko kontuak argitu behar ditu, hots, elkarren arteko partiduetako estadistika. Aurtengo denboraldian jokatutako sei partiduetatik bost irabazi ditu Goizuetarrak eta hori gehiegi da gipuzkoarraren kurrikulumerako.

Bien arteko azken norgehiagoka gaur Barakaldon izango den berbera burutu zen Tolosako ihauterietan. Bertan 22-19 gailendu zen nafarra eta huraxe izan zen ebakuntza gelatik pasatu baino lehen Unanuek jokatu zuen azken lehia.

Asierrek sanferminetan erakutsitako goi mailako jokua eta Mikelek hilaren
4an Zarautzen bere berragerraldian emandako irudi bikaina kontutan izanik, esan daiteke Barakaldon karmengo jaietan antolatutako jaialdira hurbilduko diren pilotazaleek lehia ona ikusiko dutela.