GALARZA VI.A ETA MEDINA BIGARREN MAILAKO FINALEKO TXARTELAREN BILA

2019/03/22

Xabier Galarza eta Fernando Medinak oso hitzordu garrantzitsua daukate gaur Amurrioko udal pilotalekuan. Biek bigarren mailako eskuz banakako finalean egon nahi dute eta horretarako ondo baino hobeto prestatu dute norgehiagoka.
Asegarce.com-era egindako adierazpenetan Fernando Medinak konpromezu handiko partida da Amurriokoa “orain arteko partidurik zailena izango da hauxe. Galarzak sakea badauka, pilota ondo astintzen du eta gainera ondo egiten du dejada”.
Aurkaria nola gainditzeaz galdetuta zera dio Fernandok “aukerako pilota daukadanean hormabikoa botako diot”.
Nahiz eta bigarren mailako 4 1/2ko bi txapel euki berarentzat buruz buruko tituluak izugarrizko garrantzitsua izango litzatekeela aitortu digu Medinak.
Finalerdi hau eta binakako partida Telecincoko Fronton saioak eskainiko du.