Frontoiak eta egunak hamabigarren jardunaldian

2019/03/22

Ostiralean, hilak 17, 20:30etan, Irungo Uranzu frontoian Elezkano II.a-Zabaleta eta Victor-Albisu aurrez aurre arituko dira. Pilota aukeraketa asteazkenean, 16:00etan izango da.

Larunbatean, Irribarria-Rezustak eta Altuna III.a-Barriolak elkarren aurka jokatuko dute Gasteizko Ogeta pilotalekuan 17:45etan. Materialaren hautaketa asteazkeneko 11:00etan egingo da.

Igandean Eibarko Astelena frontoia izango da txapelketako bilgunea. Arratsaldeko bostetik aurrera Bengoetxea VI.a-Larunbek eta Ezkurdia II.a-Merino II.ak indarrak neurtuko dituzte. Aurreneko saskitxoarekiko hitzordua ostegunean izango da 11:30etan.

Jardunaldia bukatzeko Tolosako Beotibarren izango da azken neurketa. Bertan, Olaizola II-Untoria eta Urrutikoetxea-Imaz jokatuko dute 16:30etatik aurrera. Pilotak aukeratzeko eguna osteguna izango da 15:00etan.