Datozen egunetan eskuz banakako txapelketako finalaurdenetan parte hartuko duten Asegarceko lau pilotarietatik eskuz banakan Patxi Ruiz dugu beteranoena. Lizarrako pilotariak 1999ko martxoren 21ean txapelketa jokatzeari ekin zion Lizarra pilotaleku zaharrean Balerdiri 22-12 irabaziz.
1999-2008 tartean Patxik 24 aldiz hartu du parte txapelketan, 15 garaipenekin, hau da, %eko 62 garaipen.
Jarraian, Olaizola I.a agertzen zaigu. Asierrek urte bereko martxoaren apirilaren 24an jokatu zuen estraineko partida Lekunberrin. Bertan Berna gainditu behar izan zuen 21-22. Goizuetako pilotariak 21 partehartze dauzka 12 irabazita, hots, %eko 57a.
Txapeldunak, zenbaki onenak
Asierren anai txikiak, Olaizola II.a, beranduago hasi arren, partidu gehiago jokatu du 25 neurketekin. Aimar 2000eko martxoaren 19an Esainen gainetik pasa zen Naxeran 7-22 irabaziz. Eskuz banaka txapeldunak 17 partidu irabazi ditu, %eko 68a alegia.
Azkenik, goazen Leitzako txikiarekin. Bengoetxea VI.a Asegarceko pilotari haun artean hasiberria dugu 2004urtean banaka jokatzeari ekin baizion. Hartan Eugiren kontra jokatu zuen Tolosan eta amore eman behar izan zuen 22-12 emaitzaz. Oinatzek 8 partida jokatu ditu eta horietatik 4 irabazi ditu, hau da, %44.a
Mendizabal II.a, baja
Oier Mendizabal II.ak ez du Iruñean larunbatean jokatuko gripeak jota dagoela. Sukarra dauka, faringitisa eta bost egunetako iraupena izango du.