“FINALA AZKARRA ETA BORTITZA IZANGO DA”

22 de martxoa de 2019

Ruben Belokik garbi dauka “finala azkarra eta bortitza izango da. Guk partido borobila egin behar dugu, hutsik gabekoa, eurek osatzen duten bikotea oso sendoa dalako”.
Gaur Atano III.a pilotalekuan izandako pilota aukeraketa eta geroko prentsaurrekoan egindako adierazpenetan Burlatako atzelaria eta Oinatz Bengoetxeak bat egin dute partiduaren aztertzerakoan ” Irujo gainditu beharra dago baina Goñi III.arekin zoro bihurtu gabe Fernandok oso pilota gutxi botatzen duelako. Juani eraso egin beharko diogu eta horretarako Oinatzek badauzka armak”.
Beraien arerioek Belokiri eragoztea gakoa izango dela diote “Ruben oso joku une onean da eta kolpez ere bikain dabil. Bere eskubiaz zulo handia egin dezake eta deseoroso jokatu arazten saiatuko gara”.
Materialari buruz bikote biak ados geratu dira eta honako pisuak gertatu dira:
Mtez. de Irujo-Goñi III: 103,3 – 103,2 – 103,2.
Bengoetxea VI-Beloki: 103,8 – 106,2 – 105,7.
Egun handietako giroa izan da Atano III.a pilotalekuan hedabide eta jende asko egon delarik.