Ezkurdiak eta Arangurenek 19-22 menderatu dituzte Urrutikoetxea-Irribarria Arrigorriagan. Bi bikoteek partida gogorra jokatu dute, tantoak oso lehiatuak izan dira eta beroak kalte egin die pilotariei.
Lehen lau tantoak bi bikoteen artean banatu dituzte (2-2), baina hortik aurrera Ezkurdiak eta Arangurenek gero eta abantaila handiagoa hartu dute (2-5, 3-7, 4-11). Urdinek garaipen argia lortuko zutela bazirudien ere, gorriek sei tanto egin dituzte jarraian eta 14-17koa jarri dute markagailuan. Partida 17-18koarekin berdintzeko aukera ere izan dute baina ondoren, urdinen hiru tanto etorri dira (17-21) eta azken emaitza 19-22koa izan da.
Altuna III-Imazek gaur arratsaldean Artola-Rezustaren aurka Zarauzko Aritzbatalde pilotalekuan lortutako garaipenak (22-14) berdinketa laukoitza utzi du CaixaBank Masterseko sailkapenean. Gaur lortutako puntuarekin eta ostiralean Ezkurdia-Arangurenen aurka Azpeitian lortutakoarekin, Amezketako aurrelaria eta Oiartzungo atzelaria sailkapeneko buruan jarri dira hiru garaipen eta porrot batekin. Egoera berean daude Artola-Rezusta, Ezkurdia-Aranguren eta Bengoetxea-Martija bikoteak.
Bostgarren jardunaldiari hasiera, ostiralean emango diote, Medranon, Elezkano II-Aretxabaletak eta Artola-Rezustak.
2020-07-19
2026-03-31
Bi txapelketak asteburu honetan hasiko dira Bastidan, Logroñon, Zarautzen eta Lizarran. Buruz Buruko Txapelketako finala maiatzaren 31n jokatuko da Nafarroa Arenan. Eta Serie B Txapelketa Labriten bukatuko da maiatzaren 23an.
2026-03-29
Lasok eta Albisuk 22-16 garaitu dituzte Altuna III-Ezkurdia gaur arratsaldean Nafarroa Arenan Binakako Txapelketako finalean. Albisu aukeratu dute finaleko pilotari onena.
2026-03-28
Peña II.ak 22-7 irabazi dio Mariezkurrena II.ari Oiartzungo kanporaketan, eta Buruz Buruko Txapelketaren aurkezpenean izango da.
2026-03-27
Buruz Buruko Txapelketa datorren ostiralean, apirilaren 3an, hasiko da Bastidan, eta Navarra Arenako final handiarekin amaituko da, maiatzaren 31n.
BERRIAK, EMAITZAK, KARTELDEGIA, SARRERAK.. PILOTARI BURUZKO INFORMAZIO GUZTIA